TABLA CON DATOS DE LA RUTA
DESCRICIÓN DE LA RUTA
El pueblu la Bustariega ta nel requexu NE del conceyu de Somieu, a una altor de 1.000 y nun valle orientau al sur. Pa dir del pueblu a la Vega Cueiru, coyese un ampliu camin ascendente que sal pal Este, bordiando el Picu Monegru pol Sur. La ruta de buen caminar, nun nos ha de llevar más de 1:30 hores. Son algo más de 400 mts de desnivel en unos 4 Km de distancia.
El día fué buenu y entamamos a pisar ñeve a los 1.300 mts (unos 10 cm)
LES FOTOS DE LA RUTA
El pueblu de la Riera, vistu dende la carretera al Ptu. San Lorenzu, nel desvíu pa la Bustariega
Avezaos a les munches aberraciones que se güeyen nos nuestros pueblos y aldees, mantien unos detalles nes sos cases que lu faen muy afayadizu,...
...too nel paeznos guapo, o polo menos nun demasiáu desabiao.
La fonte, abrevaréu y llavaeru ta nel centru neurálxicu del pueblu,...
...al so llau la capiella,......son los llugares pa tol pueblu.
...
Tamien alcontramos otru tesoru escondíu debaxo d'esti horru,un museu de pieces etnográfiques ya desapaecíes,...
varios preseos d'acarréu pa facer más llevaera la vida nos pueblos,...
...yeren otros tiempos.
Carros, carreñes o forcaos yeren algunos de los preseos que, tiraos por vaques, bueyes o caballos facíen posible tresportar la yerba, el cuchu o la cosecha, por aquellos caminos polos que yera siempre una aventura movese.Alcordabame muy lloñe d'estos preseos, asina que entrugue-i al mio amigu Vicente
(tente el de Zurea), pa que me lo refrescase, pues ye mas del pueblu que la boñica,...
Asina que ehí va una lleición maxistral d'etnografía:
Clase de etnografía:
La ventaxa de haber nacío n’una aldea (aldea importante, claro) ye que toos estos “preseos” (asina los chamaban) yeren muy habituales.
El elementu num. 1 ye un FORQUÉU o forcáu. Usábase principalmente pa carretar la yerba pelos caminos onde nun podíen rodar los carros de ruedes y que yeren la mayoría. Verás que tien 2 pieces lonxitudinales montáes una sobre la otra. La de arriba chámase el CHINUILU (O SEÑUELU) y ye la parte más fuerte de tola estructura. La d’abaxo ye la CALZAURA, sobre la que arrastraba el forquéu y ye una pieza de “desgaste”. Estos forcaos yeren tiraos por una parexa vaques o por un caballu. Nuna foto vense 2 forcaos. El que tá enriba paez que ta montau sobre unes ruedes de carru, pero esto ye un apañu.
Les pieces que se ven ataes con cadenes son los GAVITOS, onde se enganchaba la soga que ataba tola carga de yerba.
Señales con el num. 2 y 1 otru elementu que ye un carru del país y que tamién s'usaba pa carretar yerba en caminos de meyor pisu y poco pindios. Estos podíen llevar cargues mayores. Básicamente son el mismo aparatu: el FORQUÉU diba arrastrando sobre les calzaures y el QUERRU diba sobre ruedes. Aquí paez como si en algun casu aprovecharan el forqueu pa montalu enriba de les ruedes. Aunque el forqueu ye más estrechu y nun llevaba tablones de tras adelante.
La número 3 ye una CARREÑA que como el forquéu dira arrastrando sobre calzaures. Ye más pequena y usábase pa carretar el cucho y otras cosas como patates, maiz, castañes o coses sueltes.
El número 4 ye otru forquéu. Esti vese meyor que los que tan amontonaos. Verás que nun tien tablones de tras alante. Tien los gavitos y los palos acabaos en punta que valen pa fijar la carga. En Zurea, los palos yeren siempre de acebu secau con fumo y yeran algo más finos y más chargos.
Si te queden dudes pues faceme otra consulta, cobrándola aparte, claro.
1 y 2.- Carru del pais; 3.- Carreña; 4.- Forcau
1 y 2.- Carru del pais; 3.- Carreña; 4.- Forcau
1.- Paez un apañu de carru del pais y forcáu
1.- Paez un apañu de carru del pais y forcáu
2.- Carru del pais con forcau enriba; 3 Carreña
3.- Carreña; 4.- Forcau
1 y 2.- Carru del pais; 3.- Carreña; 4.- Forcau
Hasta equí fué la lleición etnografica, lo demás son afotos del entornu.
...
...
...
...
Ya saliendo del pueblu pa Cueiru, vemos el pueblin y el so valle que baxa a cerca d'Almurfe.El camín del primer planu ye el que tamos siguiendo.
Pal fondu vemos la Cordillera.
Polos altos va la ruta la Mesa.
Esti ta faciendo parapente,...
Depositu d'agua.
...
Al fondu ta la Vega Cueiru.
La cercana Cordillera aún tien muncha ñeve.
Abrevaeru.
...
Ya llegando a la Vega Cueiru.
Estos lletreros tan alloriaos,... xiren col vientu,...
...asina que nun te pues fiar d'ellos.
...
...
La máquina igual paso el inviernu equí.
Subiendo pal Colláu la Celá.
...
El Picu Monegru, tenémoslu per embaxo de nosotros.
Otra güeyá pa la Cordillera.
De regresu al pueblu, Bustariega vese muy afayaizu,...
...y perguapu.
No hay comentarios:
Publicar un comentario