.: 2009-09-27 FOZ DEL PENDON

Esti día nun hubo quorun pa dir d'escursión,
asina qu'algunos ficimos les maletes pa facer algo per ehí,...
Al final tabemos 5: Isabel, Carmina, Lluna, Carlos y Darío,...

...3 nenes y 2 güajes.

Nel procesu, al entame, yeren munches les actividaes candidates.

La que taba nel programa, cayó nes primaries,
yera lloñe y los puntos de orixen y fin yeren distintos.
Al final alguién aporto la idega de dir a la foz del Pendón:

yera cerquina, apenes tien desniveles,
ye muy curtia, ye per conocía y ye perguapa.
La actividá fué aceutá por toles nenes por aclamación.
Los güajes a callar,...
Salimos a les 9:10 hores d'Avilés pa llegar a les 10:00 hores a Nava.
Estiramos les pates y tomamos algo pa calentar el botiellu.
A les 10:25 hores saliamos de Nava pa 6 minutos depués llegar a Fuensanta.
El dia yera bonu y la temperatura alta (ente 20º y los 25º).

A les 10:45 ya tabemos caminando.

La Ruta que ficimos sal del aparcamientu que ta delantre la embotelladora (250 mts alt.),

cruciase el puente y continuase pela pista que sube averá al riu.

A unos 50 mts (mas u menos),

garrase una pista ascendente pela esquierda.

Al pocu otru cruce,

garramos la pista de la drecha,

y ya nun alcontramos ningun cruce importante,

hasta'l collau Fornos (360 mts alt.).

Hasta equí llevanos unos 45 minutos.

Nel puntu con UTM 399080-4801664 (huso 30),

ta el aniciu de la senda'l Pendón.

Equí entama el camín que nos permite siguir la foz riu p'arriba,

y más de 50 mts per enriba'l riu.

L'entornu nun tien na que envidiar a otros de mayor prestixu.

y nun tien perdida hasta llegar a la altura'l ríu,
onde se recueye l'agua pa Nava.
El recorriu llevanos 1:20 hores d'ida y
lo mesmu de vuelta.
Finá ya la actividá y depués de facer lo imposible pa ponenos guapos,
tiramos pal vecín conceyu de Piloña (nel coche),
l'obxetivu ye dir al pueblin de Espinareu,
na cuenca del riu'l Infiernu,
pa dedicanos a una actividá más lúdica,
xintar y beber nun pueblín entovía pocu machacau.