Facemos esta actividá Darío y Tente el de Zurea.
A les 10:20 hores,
depués de xintar en Felechosa,
Darío pasa el material del bus al coche de Tente
y llueu subimos pal Ptu. San Isidru.
El tiempu pa Asturies ta escamplau,
pero nun pinta bien al otru llau del Ptu.
La idega llera dir al Llagu Ausente,
y d'equí al Picu Requexines,
pero una espesa ñebla fízonos tracamundiar el plan.
Nun desistimos entovía
de querer facer algo mas allá del Puertu,
pensamos en dir al Picu San Xustu,
y baxamos pa Isoba.
Equí, ya convencíos de que nun yera la mellor zona,
tornamos pa Asturies,
baxando hasta'l Fielatu (1270 mts d'altor).
Yeren les 11 la mañana.
Depues de de aparcar el coche,
nel pocu espaciu que dexaba llibre la ñeve,
entamamos a vestinos pa la xera.
Comu la ñebla taba xuguetona,
nun teniemos claro la ruta a facer.
Ansi que sin una idega clara,
entamamos a dir dende'l Fielatu pela ruta que va a la Gumial,
pela Braña Reonda.
Comu la ñebla ta tan xuguetona,
vamos buscando en ca momentu,
los meyores recorrios.
La zona ye perguapa,
y eso fai que temos ablucaos
coles distintes estampes
que apaecen ante los nuesos güeyos.
Amplies pales ñebaes,
amestense con mates d'arbustos,
o con algún que otru árbol.
La ñebla sigue taponando les tierres de Llión.
Nesta zona,
los quitamieos de les carreteres,
faen la vida más facil a la xente,
tendiendo pontes pelos regatos,
qu'agora tan bravos.
Una faya solitaria,...
...¡paez que hasta nos protexe de la ñebla!...
Cabana en Salgaeru...
... tan solitaria...
...y perguapa...
...paez que nos protexe de la ñebla.
Más alantre tan les cabanes de Braña Reonda...
...Onde Tente,
mangose enriba del teyau d'una d'elles,
pa ver si aguantaba...
... y, ¡aguantó!...
Cuando llimpia la ñebla,
apaecen rincones muy afayaizos...
...onde apaez alguna cabana,
surdiendo ente la ñeve,
y rodiá per mates d'arbustos...
... y algun qu'otru abedul.
Per enriba de la Braña Reonda,
la ñebla fízose más espesa...
... y ya costaba pescanciar les güeyes que faciamos.
Enantes de que se punsiese peor,
alcordamos voltiar.
¡Ñebla y ñeve faen mala mestura!
Tabamos a 1450 mts d'altor y yeren les 12:48 hores.
10 minutos mas tarde,
quitaes les pelleyes y fecha tola parafernalia,
entamamos a baxar muy sele,
con cuidain pa nun tener problemes.
Según dibamos baxando el dia faciase más lluminosu.
A la altura de la braña Salgaeru (a 1295 mts d'altor),
a las 13:17 hores,
paramos y con poques pallabres,
alcordamos dir n'otra direición.
Pusimos les pelleyes,
y garramos unes pales de ñeve muy afayaices,
que diben pal NE.
El terren yera muy paeciu al anterior...
...zones d'arbustos...
...que nun yera torga pa caminar.
El sen en que dibamos,
arrímase a la faldera de la Llomba'l Axu...
...y con algo meyor visibilidá...
... yera posible arrimase a onde ta la Estación de Ftes d'inviernu.
Nun puntu miramos el reló,
y comu yeren alredeor de les 14:30 hores,
y el terren tornabase un pocu más enguedeyau,
decidimos dar la vuelta...
¡tábamos a 1526 mts d'altor!.
Quitamos les pelleyes...
... y entamamos a baxar...
...ya pa finar la actividá del día.
Llegamos a la braña onde ta el Fielatu...
...cola satisfaición de haber fechu un paseu perguapu...
...onde la ñeve, la ñebla y el paisaxe,
aliáronse pa nuestru disfrute.
La fonte del Fielatu...
... ta enterrá por un metru ñeve.
Finamos a les 15 hores,
pa entamar a baxar pa Felechosa hacia les 15:20 hores.
A estes hores la xente que baxaba d'esquiar yera muncha,
polo que deducimos,
qu'el tiempu pales estaciones,
nun yera buenu.
( Foces del Pino Gr5- vigía al salir de Pinos )
Foces del Pino Gr17- alto en el camino
Foces del Pino Gr23- sol y sombra 1
foces del Pino Gr31- Foces 1
Foces del Pino Gr32- Foces 2
Foces del Pino Gr34- Foces 3 
Foces del Pino Gr38- Foces 4
foces del Pino Gr40- En Las Campas 1
Foces del Pino Gr47- En Las Campas 2
Foces del Pino Gr50- Peña Redonda
Foces del Pino Gr51- Las foces
Foces del Pino Gr52- En el Pedroso 1
Foces del Pino Gr54- En el Pedroso 2
Foces del Pino Gr64- Descenso 1
Foces del Pino Gr69- descenso 2
Foces del Pino Gr73- sol y sombra 2
Foces del Pino Gr75- Arbol y camino 
Foces del Pino Gr82- llegando a Pinos 
